Տիգրանակերտ

Բռնազավթվել է 2020թ. ադրբեջանական ագրեսիայի ժամանակ:

Այս ամրոցը անմիջապես գտնվում է լեռան ստորոտում, որտեղ գտնվում է Տիգրանակերտը` հայոց ամենահայտնի թագավոր Տիգրան Մեծի կառուցած չորս քաղաքներից մեկը: Բուն պալատի շինությունը վերագրվում է 18-րդ դարի Փանահ խանին, սակայն կարծիքներ կան, որ տեղում ավելի հին շինություններ են եղել։ 2005 թվականին Տիգրանակերտի տարածքի հայտնաբերումից հետո հանրապետության իշխանությունները վերականգնել են վատ վիճակում գտնվող պալատը և այն վերածել Տիգրանակերտի թանգարանի (Տե՛ս Թանգարաններ բաժինը):

Ամրոցի վերևում գտնվող բլուրը դարեր շարունակ թաքցրել է Տիգրանակերտ անունով չորս քաղաքներից մեկի գտնվելու վայրը։ Նկարի մեջտեղում գտնվող բլրի վրա սպիտակ քարե շերտի դիմաց, որը չի երևում այս լուսանկարում, գտնվում են հին քաղաքի միջնաբերդի վերջերս հայտնաբերված ավերակները, որը կառուցվել է նույն սպիտակ քարով, ինչը բնորոշ է տվյալ ժամանակների հելլենիստական ճարտարապետական ոճին։ Բերդից ձախ հայտնաբերվել են բազիլիկ եկեղեցու հիմքերը։ Լուսանկարի ծայր ձախ անկյունում՝ բլրի գագաթի փոքրիկ սպիտակ կետը 7-րդ դարի փոքրիկ եկեղեցի է,  որը երբեմն կոչվում է Վաչագանի եկեղեցի՝ հայոց թագավոր Վաչագան Բարեպաշտի անունով։ Պատմում են, որ նա տարվա յուրաքանչյուր օրվա  համար մեկ  եկեղեցի է կառուցել: Ժողովրդական հերոս թագավորն ինքը թաղված է  Մռավ  լեռնաշղթայի  անմատչելի մասում գտնվող մի վանական համալիրում։  Այս նկարում պատկերված լեռը կոչվում է Վանքասար, և եկեղեցին ինքն էլ հայտնի է նաև որպես Վանքասարի եկեղեցի։