«Հայկական Քաշաթաղ», Զոհրաբ Ըռքոյան
Քաշաթաղը տարածքով հիմնականում համապատասխանում է Մեծ Հայքի Սյունիք նահանգի տասներկու գավառներից մեկին՝ Աղահեճքին, ընդգրկելով դրա հարավային և հարավ-արևմտյան հատվածները: Ավելի ուշ կոչվել է նաև Քշտաղ: Արցախի Հանրապետության Քաշաթաղի շրջանը սահմանակից է ՀՀ Սյունիքի մարզին, Իրանին և Արցախի Քարվաճառ, Մարտակերտ, Շուշի և Հադրութ շրջաններին: Շրջկենտրոնը Բերձորն է:
2020թ. պատերազմի հետևանքով շրջանն անցել է Ադրբեջանի ենթակայության տակ, և դրա հայկական ժառանգությունը, ինչպես բռնազավթված մյուս շրջաններում, ոչնչացման վտանգի տակ է:
«Հայկական Քաշաթաղ» ցուցահանդեսը հիմնված է Քաշաթաղի վարչակազմի «Մերան» պաշտոնաթերթի գլխավոր խմբագիր, լրագրող, լուսանկարիչ, ազատամարտիկ Զոհրաբ Ըռքոյանի լուսանկարների վրա:
Ցուցահանդեսն անցկացվել է 2021թ. Հովհ. Թումանյանի տուն-թանգարանում և 2022թ. Վահան Թեքեյան միության ցուցասրահում:
 |  |  |
 |  |  |
 |  |  |
